المقادير
فرخه مقطعه اربع حتت
6فصوص توم
3حبات حبهان
4قرنفل
ورقه لورا
معلقه صلصه
5حبات طماطم
علبه زبادى حوالى 180 جرام
عصير ليمونتين
معلقتين زيت
ملح وفلفل وبهارات فراخ
كوبايتين رز بسمتى مغسول كويس ومنقوع نص ساعه
خضاااااااااااار مشكل انا حطيت جزر وبسله وفاصوليا
مكعبين ماجى
الطريقه
اول حاجه نقلب الخضار مع معلقتين الزيت ومعاهم مكعب ماجى ونضيف كوبايه ميه ومش نسويه خالص تلات ارباع سوا ونخليه يتشرب الميه اللى حطيناها
نطبخ الرز البسمتى زى ما بنطبخ الرز العادى بس نقلل الميه شويه طبعا نحط فى الميه مكعب ماجى ولما الرز يتشرب نضيف عليه معلقه كركم ونقلبه كويس لغايه ما يلون وطبعا مننساش الملح ونخلى بالنا اننا حاطين مع الخضار المسلوق ملح نهدى النار لغايه ما يقرب على السوا يعنى قبل ما نشيله من على النار بعشر دقايق نقلب عليه الخضار المسلوق ونخلطهم كويس مع بعض ونغطى اول ما يستوىىىىىىىى نكون ولعنا حته فحم ونجيب كوبايه استالس نحطها فى وسط الرز وفيه شويه زيت ونحط الفحمايه جوه الكوبايه ونقفل بسرعهههههههه ونسيبها عشر دقاايق بعدين نشيلها ونقلب ودوقى احلى رز مشوى على الفحم
نيجى لتجهيز الفراخ
الاول نبشر التوم رفيع بالمبشره ونضيف عليه الملح والفلفل والتوابل ونحشى الفراخ بين الجلد واللحم بعدين ندهنهم من على الوش بالصلصه
نضرب الطماطم فى الخلاط وعليها الزبادى ونحطهم على الفراخ فى الصينيه ونحط ورق اللورا والحبهان والقرنفل ونعصر الليمون على وش الفراخ ونقفلها فويل وعلى الفرن
موضوع: فراخ بالزبادى والليمون مع رز اصفر بالخضار 
الأربعاء مارس 02, 2011 2:45 am